झापा, साउन १६ । बिर्तामोड–५ स्थित मम फ्याक्ट्रीका संचालक टीकाराम नेतीले प्रभु बैंक बिर्तामोड शाखाबाट आफ्नो १ करोड १७ लाख रुपैयाँ गायब गरिएको बताएका छन् ।
![](https://pratidindaily.com/wp-content/uploads/2024/07/faacb802-0ec6-48d0-b8ff-c19aa31d97d9-2.jpg)
बिर्तामोड ७ निवासी पत्रकार नेतीले आफ्नी श्रीमती मन्जु नेपालले पटक पटक फरक फरक मितिमा प्रभु बैंकको बिर्तामोड शाखामा रु. १ करोड १९ लाख रुपैयाँ फिक्स्ड डिपोजिट गरेकोमा खातामा २ लाख मात्र जम्मा देखिएको पत्रकार सम्मेलन गरी जानकारी दिएका छन् ।
![](https://pratidindaily.com/wp-content/uploads/2024/07/1d3e2d56-8b2e-4afd-be74-e46991dd200d-1024x547.jpg)
बैंकका मार्केटिङ म्यानेजर चन्द्रगढी बस्ने प्रमोद सिटौलाले आफूले जम्मा जम्मा गरेको रकम नियतबश हिनामिना गरि आफ्नो दुईवटै मोबाइल स्विच अफ गरेर सम्पर्कविहीन बनेको नेतीले बताए । उनीबिरुद्ध जिल्ला प्रहरी कार्यालयमा र इलाका प्रहरी कार्यालय बिर्तामोडमा उजुरी दिएको नेतीले जानकारी दिए । त्यसबारे बैंकका प्रवन्धक गणेशबहादुर बरालसंग बुझ्दा नेतीले ब्यक्तिगत उजुरी हालेको बताउँदै बैंकले पनि केन्द्रमा छानबिन समिति बनाएको जानकारी दिएका छन् ।
![](https://pratidindaily.com/wp-content/uploads/2024/07/ab5bc785-4d63-4a35-8544-fb178e6a807b-745x1024.jpg)
नेती र बैंकका मार्केटिङ म्यानेजर सिटौलाबिच पहिलादेखि नै ब्यक्तिगत सम्बन्ध रहेको थियो । गायब गरिएको उक्त रकम फिर्ता गरिदिन ब्यक्तिगत रुपमा समेत कुराकानी भएको थियो । नेतीको मम फ्याक्ट्रीमा हिजो दुवैबीच कुराकानी भएको थियो । केही छिनमा आउँछु भन्दै आफ्नो ब्याग त्यही छाडी सिटौला फरार भएको नेतीले बताएका छन् ।