झापा, भदौ ३ । बझाङको बुङ्गल नगरपालिका–१० स्थित टुमेडामा एक घरमाथिबाट पहिरो जाँदा घरभित्र च्यापिएका चारै जनाको शव फेला परेको छ।
![](https://pratidindaily.com/wp-content/uploads/2024/08/bajhang-pahiro_ZnQzTJwAU6_u9NpjpOIk1-1024x461.jpg)
गएराति १ बजे एक्कासी घरमाथिबाट गएको पहिरो झरी पुरिएका काली धामी, गोल्की धामी, आशिका धामी र लक्ष्मी धामीको शव निकालिएको हो।
स्थानीय र प्रहरी चौकी झापाको टोलीको सक्रियतामा बिहान ७ः२० बजे चारै जनाको शव पुरिएको घरभित्रबाट निकालिएको जिल्ला प्रहरी कार्यालय बझाङले जनाएको छ। ९ जना सदस्य रहेको उक्त घरमाथि राति १ बजे खसेको पहिरोले घर क्षतिग्रस्त बनाएको छ।
पहिरो जानेबित्तिकै गाउँलेको प्रयासले बिरा धामी , उज्वल धामी, रोशन धामी, कमला धामी, शान्ति धामी गरी ५ जनाको तत्काल जिवितै उद्धार गरिएको थियो।