झापा , भदौ ११ । डेंगु संक्रमणबाट इलाममा आज एक जनाको मृत्यु भएको छ ।
![](https://pratidindaily.com/wp-content/uploads/2024/02/dengue-dhaka_-1024x576.jpg)
मृत्यु हुनेमा रोङ गाउँपालिका– १ निवासी ३६ वर्षीय नारायण ढकाल रहेका छन् । उनको उपचारका क्रममा विराटनगरस्थित नोबेल शिक्षण अस्पतालमा मृत्यु भएको मृतकका भाइ नरेन्द्र ढकालले जानकारी दिएका छन् । ढकालका अनुसार नारायणलाई अत्यधिक ज्वरो आएपछि बिर्तामोडस्थित मनमोहन अस्पतालमा भर्ना गरिएको थियो । त्यहाँ उपचार सम्भव नभएपछि थप उपचारका लागि नोवल शिक्षण अस्पताल पुर्याइएको थियो । तर, प्लेटलेटको संख्या ह्वात्तै घटेर उनको निधन भएको जनाइएको छ ।
इलाममा पहिलो पटक डेंगु संक्रमणबाट मृत्यु भएको हो । योसहित यस वर्ष देशभरि डेंगु संक्रमणबाट मृत्यु हुनेको संख्या चार पुगेको छ । गत महिना झापामा एक महिलाको मृत्यु भएको थियो ।