झापा, भदौ १९ ।नेपाल रेडक्रस सोसाइटीको ६२ औँ स्थापना दिवसको उपलक्ष्यमा उपशाखा जलथलले चिल्ड्रेन गार्डेन अंग्रेजी विद्यालय हल्दिवारी ३ मा रक्तदान कार्यक्रम सम्पन्न गरेको छ ।
कार्यक्रममा ७ महिला र २१ पुरूष गरी २८ जनाले रक्तदान गरेका छन्। नेरेसो जलथल उपशाखा र चिल्ड्रेन गार्डेन अंग्रेजी स्कुलको संयुक्त आयोजनामा सम्पन्न रक्तदानमा विद्यालयका पूर्व प्रिन्सिपल दुर्गामणि गौतम ,नेरेसो जलथल उपशाखा सचिव खिवराज भट्टराई, कार्यपालिका सदस्य भगिरथा दाहाल, वडा सदस्य सुरेन्द्र बाह्रकोटी, महेन्द्र माविका शिक्षक सिताराम खरेललगायत विद्यालयका शिक्षक शिक्षिका , अग्रज व्यक्तित्वहरूले रक्तदान गरेका थिए।
नेरेसो जलथलका सभापति रेम खरेलको अध्यक्षतामा औपचारिक कार्यक्रम भएको थियो। विभिन्न सामाजिक कार्य गर्दै आएको रेडक्रसले रगतको अभाव हुन नदिन रक्तदान कार्यक्रम गरेको सभापति खरेलले बताए।
