झापा , भदौ २४ । झापाको बुद्धशान्तिस्थित मेची राजमार्गमा बोलेरो गाडी पल्टिँदा ६ जना घाइते भएका छन् ।
आज साँझ ७ बजे बुद्धशान्ति ३, बुधबारे तल्लो चोकस्थित मेची राजमार्गमा बिर्तामोडदेखि इलामतर्फ जाँदै गरेको मे १ ज २६५२ नं. बोलेरो गाडीले पैदलयात्रीलाई जोगाउन खोज्दा आफै अनियन्त्रित भई पल्टिएको थियो । दुर्घटनामा घाइते हुनेहरुमा कमल ३ बस्ने बर्ष २० का अमन श्रेष्ठ (बायाँ हात र अनुहारमा चोट,अवस्था सामान्य), कन्काई ८ बस्ने बर्ष १९ का बिजय पुरी (बायाँ हात चोट, बोल्न सक्ने, अवस्था सामान्य), कमल ३ बस्ने बर्ष २४ का दिपक प्रधान (बायाँ हातमा चोट, अवस्था सामान्य),अर्जुनधारा १ बस्ने बर्ष ३० का दिनेश थापा (टाउकोमा चोट, अवस्था सामान्य),बुद्धशान्ति ५ वस्ने बर्ष ५१ का रत्न मगर (बायाँ हातमा चोट, अवस्था सामान्य) र मेचीनगर ९ बस्ने बर्ष ७३ का भक्तबहादुर कटवाल (अनुहारमा चोट, अवस्था मध्यम) रहेका छन् ।
घाइतेहरुलाई उपचारको लागि बीएण्डसी अस्पताल बिर्तामोड लगिएको छ । बोलेरो गाडी र गाडी चालक इलाम माइजोगमाई ५ बस्ने बर्ष २५ का नबिन खत्रीलाई ईलाका प्रहरी कार्यालय बुधबारेले नियन्त्रणमा लिएको छ ।
