झापा, असोज १ । आज साँझ मोरङको बिराटनगर १३ स्थित राईस मिल छेउमा भैसीसंग ठोक्किएर चारवटा सवारीसाधन दुर्घटना हुँदा भैसी मरेको छ भने ६ जना घाइते भएका छन् ।
साँझ ६.५० बजे बिराटनगर १३ स्थित राईस मिल छेउमा बा ११ च ४५५० नम्बरको स्कोरपियो गाडीले भैसीलाई ठक्कर दिई दुर्घटना हुँदा भैसी घटनास्थलमै मरेको छ ।
त्यही बेला सोही दिशाबाट आउँदै गरेको को २५ प ६३८७ नम्बरको कारले भैसीलाई जोगाउने क्रममा अनियन्त्रित भई एकै दिशाबाट आउँदै गरेका को.२५ प ६३८७ , को ११प २९०९ नम्बरको मोटरसाइकललाई समेत ठक्कर दिएको थियो । दुर्घटनामा स्कोरपियो चालक बिराटनगर १५ बस्ने बर्ष ३८ का राकेशकुमार देव घाइते भएका छन् । उनको स्थानीय मेडिकलमा उपचार भइरहेको छ ।
त्यस्तै को २५ प ६३८७ नम्बरको मोटरसाइकल चालक बिराटनगर १८ बस्ने ४० वर्षीय देबेन्द्र यादवको अवस्था मध्यम,न्युरो अस्पतालमा बिराटनगरमा उपचार भइरहेको ,सोही मोटरसाइकलमा पछाडी सवार सोही ठाउँ बस्ने बर्ष ३९ की अनिता राजलक्ष्मी यादवको अवस्था सामान्य, न्युरो अस्पतालमा बिराटनगरमा उपचार भइरहेको , को ११प २९०९ नम्बरको मोटरसाइकल चालक बिराटनगर १४ बस्ने बर्ष ४१ का राजा गुप्ताको अवस्था मध्यम रहेको, न्युरो अस्पतालमा बिराटनगरमा उपचार भइरहेको ,को २५ प ६३८७ नम्बरको कार चालक बिराटनगर ९ बस्ने बर्ष ३६ का मोहमद हालिमको कोशी अस्पतालमा सामान्य उपचारपश्चात् डिस्चार्ज भई घर गएको र सोही कारमा सवार सोही ठाउँ बस्ने बर्ष ३५ की रिचा जैनको कोशी अस्पतालमा सामान्य उपचारपश्चात् डिस्चार्ज भई घर गएको प्रहरीले जनाएको छ ।
