झापा, असोज ५ । संखुवासभामा पनि मानिसको कंकाल फेला परेको छ ।
आज दिउँसो ३ बजेको समयमा संखुवासभाको मकालु -३ गढीस्थित सामुदायिक जंगलमा मानव कंकाल फेला परेको हो । स्थानीयले ईलाका प्रहरी कार्यालय हेदाङनामा जानकारी गराएपछि प्रहरी टोलीले घटनास्थल पुगेर कंकालहरु, लुगा र जुत्ता छरिएको अबस्थामा फेला पारेको छ । त्यस कंकालबारे अनुसन्धान तथा कानुनी प्रक्रिया भइरहेको प्रहरीले जनाएको छ ।
आजै दुई सातादेखि हराइरहेका मोरङ केराबारी- ६ आहाले बस्ने पदमबहादुर तामाङका १४ वर्षीय छोरा दिपबहादुर तामाङको कंकाल आहा सामुदायिक वनभित्र फेला परेको थियो ।
