झापा, असोज १४ । कन्काई नदीमा पनि डुबेर एकजनाको मृत्यु भएको छ ।
आज दिउँसो अन्दाजी ३ः३० बजे शिवसताक्षी –७ स्थित कन्काई नदीको पानीको बिच भागमा बेवारिसे शव फेला परेको हो । तत्काल नाम, थर, वतन नखुलेको पुरुष मानिसको शव घोप्टो परी शरीर सुन्निएर गलेको अबस्थामा भेटिएको प्रहरीले जनाएको छ । इलाका प्रहरी कार्यालय शिवगंजमा खबर प्राप्त हुनासाथ प्रहरी टोली खटिएर घटनास्थल सुरक्षित राखिएको र थप अनुसन्धान तथा कानूनी प्रक्रियाको लागि इलाका प्रहरी कार्यालय झिलझिलेबाट प्रहरी टोली पुगेर शव पोस्टमार्टमको लागि प्रादेशिक अस्पताल भद्रपुर पठाएको जिल्ला प्रहरी कार्यालयले जनाएको छ ।
आजै मेची नदीमा एक बेवारिसे शव फेला परेको थियो । दिउँसो १ बजे भद्रपुर नगरपालिका –३ झोलुङ्गे पुलस्थित मेची नदीको बिच भागमा डुबेको अबस्थामा एकजना पुरुषको शव फेला परेको हो ।
