झापा , असोज २९ । खोटाङमा भएको बोलेरो दुर्घटनामा ६ जना घाइते भएका छन् ।
आज बिहान अन्दाजी ९ बजे खोटाङ रावाबेसी – १ कुभिन्डे हातेकास्थित नुनथला–ऐसेलुखर्क भित्री सडकखण्डमा डुम्रेधारापानीबाट दिक्तेल खोटाङतर्फ जाँदै गरेको स १ज५५८ नं.को बोलेरो पिकअप दुर्घटना भएको हो । दुर्घटनामा खोटाङ रावाबेसी ४ बस्ने ९० वर्षीया पूर्णमाया तामाङ , सोही ठाउँ बस्ने ४४ वर्षीय सुद्रबहादुर मगर , दिक्तेल रुपाकोट मझुवागढी ५ बस्ने ४० वर्षीया कबिता मग्राती , मझुवागढी १० बस्ने ३७ वर्षीया रामकुमारी सार्की , ४० वर्षीया गिता सार्की र वडा नं २ बस्ने बलराम कट्वालका छोरा ६ वर्षीय बिध्या कट्वाल घाइते भएका छन् ।
उनीहरुलाई उपचारको लागि जिल्ला अस्पताल खोटाङतर्फ पठाउने तयारी भइरहेको छ । बोलेरो पिकअप ब्रेक फेल भई सडकमै पल्टिएको हो । बोलेरोमा ८ जना सवार रहेका थिए ।
