कुमरखोद, कात्तिक १३ ।जोरमाई युवा क्लवले दिपावली र छठ पर्वलाई लक्षित गरी झापा गाउँपालिकामा खुल्ला नकआउट फुटवल प्रतियोगिता संचालन गर्ने भएको छ ।
झापा गाउँपालिका वडा नं. २ स्थित जोरमाई युवा क्लव सडकवाडीको आफ्नै खेलमैदानमा कात्तिक १४ गते वुधवारदेखि २२ गतेसम्म खुल्ला नकआउट फुटवल प्रतियोगिता संचालन गरिने भएको हो । प्रतियोगितामा ए र बी समूह गरी आयोजकसहित ८ वटा टीमले भाग लिने भएका छन् । प्रतियोगितामा आयोजक जोरमाई युवा क्लव , बाह्रदशी ११ , गतिशील युवा क्लव बैगुनधुरा , के.एफ.सी. बिर्तामोड, राजगढ एफसी , लियो एफसी दमक , नागरिक स्पोर्टस एकाडेमी गौरादह र गेरबाबा एफसी अर्जुनधाराको सहभागिता रहने क्लवका अध्यक्ष हेमकुमार राजवंशीले बताए ।
प्रतियोगितामा विजेता टिमलाई ६५ हजार नगद र उपविजेता टिमलाई ३५ हजार नगद साथमा ट्रफी ,मेडल र प्रमाणपत्र प्रदान गरिने क्लवका अध्यक्ष राजवंशीले बताएका छन् । प्रतियोगितामा सर्वाधिक गोलकर्ता , उत्कृष्ट गोलरक्षक , उत्कृष्ट डिफेन्डरलाई जनही तीन हजार नगद , मेडल र प्रमाणपत्र प्रदान गरिने छ भने उत्कृष्ट खेलाडीले नगद पाँच हजार , मेडल र प्रमाणपत्र पाउने क्लवका सचिव नवराज बस्नेतले जानकारी दिएका छन् ।
