झापा, कात्तिक १५ । लक्ष्मी पूजाको साँझ झापाको काँकडभिट्टाको एक होटलमा आगलागी भएको छ ।
आज राति ८.३० बजे मेचीनगर– ६ काँकरभिट्टामा प्रेम गुरुङको ५ तलाको घरको भुइँतलामा न्यू सागर होटलमा आगलागी भएको हो । फ्रिजबाट अचानक बिद्युत सर्ट भई आगलागी हुँदा होटलभित्र रहेको भाडावर्तन, फ्रिज, फर्निचरलगायतका सरसामानहरु पूर्ण रुपले जलेर नष्ट भएको छ । जसबाट अन्दाजी ७ लाख बराबरको क्षति भएको प्रहरीले जनाएको छ ।
प्रहरी टोली, स्थानीय र मेचीनगर नगरपालिकाको २ वटा दमकलको सहयोगमा राति ९ बजे आगो पूर्ण रुपमा नियन्त्रणमा आएको जिल्ला प्रहरी कार्यालयका डीएसपी कृष्णकुमार चन्दले बताए ।
