झापा, कात्तिक १६ । लक्ष्मी पूजाको दिन मेचीनगरमा दियोबाट आगलागी भएको छ ।
गएराति ८.३० बजे मेचीनगर नगरपालिका वडा नम्बर ३ धिमाल गाउँ बस्ने सर्मिला मेचेको टिनको छाना भएको घुम्ती किराना पसलमा दियोबाट अचानक आगलागी भएको हो । आगलागीबाट पसलमा भएको किराना सामान जलेर नष्ट हुँदा एक लाखको क्षति भएको छ ।
उक्त आगलागी स्थानीय मानिसहरुको सहयोगमा राति ८ः४५ बजे पूर्ण रुपमा नियन्त्रणमा आएको जिल्ला प्रहरी कार्यालयले जनाएको छ ।
