झापा, कात्तिक १६ । रौतहटको फतुवा–विजयपुरमा जंगली हात्तीको आक्रमणमा परी एक वृद्धाको मृत्यु भएको छ ।
फतुवा विजयपुर–११ बुट्वा राङिगाउँकी ७० वर्षीया पातली तामाङको आफ्नै घरमा सुतिरहेको अवस्थामा जंगली हात्तीले आक्रमण गर्दा मृत्यु भएको प्रहरीले जनाएको छ । सँगै सुतिरहेका तामाङका श्रीमान्ले भागेर ज्यान जोगाएका थिए । हात्तीको आक्रमणबाट तामाङको घरमा पूर्ण क्षति भएको छ ।
इलाका प्रहरी बिजयपुर, डिभिजन वन कार्यालय चन्द्रनिगाहपुर र सशस्त्र बेस क्याम्प बिजयपुरको टोली घटनास्थल पुगेको छ । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।
प्रहरी निरीक्षक इन्द्रमणि अधिकारीका अनुसार हात्तीले बिहान एक्कासि आक्रमण गर्दा वृद्धाको मृत्यु भएको, उनका श्रीमानले भने भागेर ज्यान बचाएको र घर पूर्णरुपमा क्षति भएको तथा सँगैको अर्को घरलाई समेत क्षति पुर्याएको छ ।
