झापा, कात्तिक १६ । सुनसरीको भोक्राहा नरसिंह १ स्थित काली मन्दिर छेउ दिनेश साहको खरिद बिक्री गोदाममा आगलागी भएको छ ।
आज विहान करिव ११ बजे आगलागी भएको हो।आगलागीबाट धान, मकै र सनपाट (जुट) जलेर नष्ट भएको छ। स्थानीय, प्रहरी, बराहक्षेत्र नगरपालिका र कोशी गाउँपालिकाका बारुण यन्त्रको सहयोगमा आगलागी नियन्त्रणमा लिइएको थियो ।
आगलागीको कारण र आगलागीबाट भएको क्षति यकिन भइनसकेको प्रहरी चौकी अकाहाले जनाएको छ।
