झापा , कात्तिक १७ । संखुवासभाको सिलिचोङ गाउँपालिका–३ को एक घरमा आगलागी हुँदा १५ लाख बराबरको क्षति भएको छ ।
गएराति १०.३० बजे संखुवासभा सिलिचोङ गाउँपालिका–३ लकुवा बस्ने ५५ वर्षीया राममाया राईको ढुंगा माटोले बनेको ,टिनको छानो भएको ३ तले घरको दोस्रो तलाको सुत्ने कोठाबाट अचानक आगलागी भएको हो ।
आगलागीबाट घरभित्र रहेको काठपात, भाँडावर्तन, अन्नपात, दुई मन अलैची, लत्ताकपडा र सम्पूर्ण कागजपत्र जलेर पूर्ण रुपमा नष्ट भएको प्रहरीले जनाएको छ ।
