शिवसताक्षी,कात्तिक १८ ।आयोजक गोर्खाली स्पोर्टिङ क्लब झापाको शिवसताक्षीमा संचालित प्रथम गोर्खाली भलिबल प्रतियोगिताको विजेता बनेको छ ।
कन्काई नगरपालिकाको कन्काई भलिबल क्लबलाई ५–३ सेटले जित्दै आयोजक गोर्खाली स्पोर्टिङ क्लबले उपाधि रक्षा गरेको हो। कन्काई भलिवल क्लबले पाँच सेटमा दुई सेट मात्र जितेको थियो।
आयोजक समितिका अनुसार गोर्खाली स्पोर्टिङ क्लबले पहिलो, चौथो र पाँचौं सेट जितेको थियो। यस्तै कन्काईले दोस्रो र तेस्रो सेट जितेको थियो।
आयोजकले नगद १४ हजारसहित ट्रफी सुरक्षित गरेको छ भने उपविजेता कन्काई भलिबल क्लबले नगद ८ हजार र ट्रफी हात पारेको छ।
वडा नम्बर ८ को स्थानीय गुराँस चोकस्थित पगरी टोलमा भएको यो प्रतियोगितामा झापाका १० वटा भलिबल टिमले सहभागिता जनाएका थिए। आयोजक समितिका अध्यक्ष निसान मेन्याङबोले झापाका दमक, गौरीगञ्ज, शिवसताक्षी, कन्काई पालिकाका भलिबल टिमले भाग लिएको बताए।
कात्तिक १४ र १५ गते भएको यो प्रतियोगिताको दोस्रो संस्करणलाई पनि निरन्तरता दिने आयोजकले बताएका छन्।
विजेता टिमलाई शिवसताक्षी नगरपालिका वडा नम्बर ८ का वडा अध्यक्ष सन्तकुमार फेउदिनले पुरस्कार प्रदान गरेका थिए। गोर्खाली स्पोर्टिङ क्लबले आयोजना गरेको यो प्रतियोगिताले आगामी वर्षहरूमा निरन्तरता पाए वडा कार्यालयले आर्थिक सहयोग गर्ने अध्यक्ष फेउदिनले बताएका छन्। प्रतियोगितामा आर्थिक सहयोग गरेबापत विभिन्न दातालाई सम्मान गरिएको थियो।
