झापा, कात्तिक १९ । ताप्लेजुङबाट फिदिमतर्फ आउँदै गर्दा झापा मेचीनगर नगरपालिकाका चुडामणी चौलागाई घाइते भएका छन् ।
आज दिउँसो २ बजे ताप्लेजुङबाट फिदिमतर्फ आउँदै गर्दा मेचीनगर– ६ बस्ने २८ वर्षीय चुडामणी चौलागाईले चलाएको प्र.१–०१–०१५प२६९७ नम्वरको मोटरसाइकल आफै अनियन्त्रित भई दुर्घटना भएको थियो । दुर्घटनामा चालक चौलागाई घाइते भएका छन् भने सोही मोटरसाइकलमा पछाडी सवार उनका दाई ४३ वर्षीय शिवहरि चौलागाई सकुशल रहेका छन् ।
घाइतेलाई उपचारको लागि झापातर्फ ल्याइएको र मोटरसाइकल जिल्ला प्रहरी कार्यालय पाँचथरको नियन्त्रणमा रहेको प्रहरीले जनाएको छ ।
