झापा , कात्तिक २४ । संखुवासभाको चिचिला गाउँपालिकामा आपसी विवादमा छिमेकीले ढुंगाले हानेर एकजनाको हत्या गरेका छन् ।
चिचिला –३ खर्यु बस्ने अन्दाजी ३५ वर्षीय प्रदिप राईले आपसी विवादमा सोही ठाउँका ३५ वर्षीय विकास राईलाई ढुंगाले हानेर हत्या गरेका हुन् । गत कात्तिक १८ गते साँझ ५ः३० बजे प्रदिपले विकासलाई हत्या गरी लप्सी भिरबाट फालिदिएको भन्ने सूचनाको आधारमा आज दिउँसो २ बजे प्रहरी टोली खटिएर हेर्दा विकासको शव बाटोदेखि सय मिटर तल भिरमा अड्किएको अवस्थामा फेला परेको छ ।
हत्या गर्ने प्रदिपलाई नियन्त्रणमा लिई प्रहरी चौकी चिचिलामा राखिएको जिल्ला प्रहरी कार्यालय संखुवासभाले जनाएको छ ।
