झापा, कात्तिक २५ । सर्लाही र सिन्धुलीको सिमानामा गोली लागेर एक व्यक्ति घाइते भएका छन् ।
आज दिउँसो ३ बजे सिन्धुली हरिहरपुर गाउँपालिका–६ बाबसी खोल्सीमा मकवानपुर बागमती गाउँपालिका–१ बस्ने ४० वर्षीय प्रेमबहादुर बम्जनमाथि गोली प्रहार भएको हो । अपरिचित ब्यक्तिहरुको समूहले गोली प्रहार गर्दा बम्जनको दाहिने गालामा गोली लागेको छ । घाइतेलाई उपचारको लागि बागमती मोडेल अस्पताल कर्मैया सर्लाहीमा सामान्य उपचारपश्चात् थप उपचारको लागि बिरगंजतर्फ लगिएको र अवस्था मध्यम रहेको प्रहरीले जनाएको छ ।
पातलो शरीर भएको तराई मुलको जस्तो देखिने अन्दाजी २५–३०वर्षको पुरुषसहित दुईजनाले गोली प्रहार गरेको बताइएको छ ।
