झापा, कात्तिक २५ । झापाको बाह्रदशी गाउँपालिका–३ राजगढमा एक व्यक्ति मृत फेला परेका छन् ।
राजगढ बजारमा रहेको बिस्कुट फ्याक्ट्रीमा सोही गाउँपालिका–१ बस्ने ४० वर्षीय सुनिल हेमरम हिजो दिउँसो पौने २ बजे मृत फेला परेका हुन् । उनी सोही फ्याक्ट्रीमा काम गर्थे ।
मदिरा सेवन गर्ने गरेका हेमरम सोही फ्याक्ट्रीको माथिल्लो तलाको कोठामा सुतेकै ठाउँमा मृत फेला परेको जिल्ला प्रहरी कार्यालयले जनाएको छ । उनको शवलाई आज पोस्टमार्टम गरिएको डीएसपी कृष्णकुमार चन्दले बताए ।
