झापा , मंसिर ४ । धनकुटाको महालक्ष्मी नगरपालिकामा रुखले थिचेर एकजनाको मृत्यु भएको छ ।
आज बिहान ११ः४५ बजे महालक्ष्मी नगरपालिका वडा नम्बर २ बस्ने ४१ वर्षीय जनक राना मगर सोही वडाको बतासे टोलमा रुख काट्ने क्रममा रुख लडेर उनलाई थिचेको थियो । रुखले थिचेर उनको घटनास्थलमै मृत्यु भएको हो ।
प्रहरी चौकी चानुवामा खवर प्राप्त भएपछि प्रहरी टोली खटिएर अनुसन्धान तथा कानुनी प्रक्रिया शुरु गरेको जनाइएको छ ।
