झापा,मंसिर १३ ।लागूऔषध ब्राउनसुगरसहित शिवसताक्षी र चुलाचुलीका दुई युवा पक्राउ परेका छन् ।
हिजो साँझ ६.५बजे पुरानो मेची पुलमा भारतबाट नेपालतर्फ पैदल आउँदै गरेका शिवसताक्षी ८ बस्ने २१ वर्षीय संजय राई लागूऔषधसहित पक्राउ परेका हुन् । शंका लागेर चेकजाँच गर्दा उनको साथबाट प्लाष्टिकसहित ३ ग्राम ९१० मिलिग्राम ब्राउनसुगर फेला परेको थियो । उनलाई नियन्त्रणमा लिई इलाका प्रहरी कार्यालय काँकरभिट्टामा राखिएको छ ।
त्यस्तै हिजै साँझ ७.५५ बजे दमक ८ स्थित बाटोमा इलाम चुलाचुली गाउँपालिका ३ बस्ने २८ वर्षीय उपेन्द्र बान्तवालाई शंका लागेर चेकजाँच गर्दा उनको साथबाट प्लाष्टिकसहित ३ ग्राम १० मिलिग्राम ब्राउनसुगर फेला परेको थियो । बान्तवालाई इलाका प्रहरी कार्यालय दमकमा राखिएको जिल्ला प्रहरी कार्यालयले जनाएको छ ।
