झापा , मंसिर १४ । मोरङको रंगेलीमा ट्रयाक्टर पल्टिँदा चालकको मृत्यु भएको छ ।
आज दिउँसो २ बजे रंगेली –८ चैनडाँडास्थित भित्री सडकखण्डमा चैनडाँडाबाट शान्ति चौकतर्फ जाँदै गरेको को २ त ३१७२ नं. को ट्रयाक्टरले न्यू स्टार इङ्गिलस बोर्डिङ स्कुलको बसलाई साइड दिने क्रममा आफै पल्टिएर नालामा खसेको थियो । ट्रयाक्टर पल्टिँदा चालक शान्ति चौक बस्ने अन्दाजी ३७ वर्षीय लाला हेमरम भन्ने प्रतु हेमरमको ट्रयाक्टरको मुनि किचिएर मृत्यु भएको हो ।
सोही ट्रयाक्टरमा सवार जहदा– ७ सिसवनी बस्ने अन्दाजी ४५ वर्षीय मोन्सी मुर्मू घाइते भएका छन् । रंगेली अस्पताल रंगेलीमा उपचारपश्चात उनी डिस्चार्ज भएको र मृतकको शवलाई कानुनी प्रक्रिया पुरा गरी पोस्टमार्टमको लागि रंगेली अस्पतालको शवगृहमा राखिएको प्रहरीले जनाएको छ ।
