झापा, मंसिर २२ । आफै अनियन्त्रित भई मोटरसाइकल दुर्घटना हुँदा झापाको हल्दिवारीमा चालक गंभीर घाइते भएका छन् ।
आज दिउँसो २ बजे हल्दिबारी –४ चुडाल चोकस्थित भित्री सडकखण्डमा अधिकारी चोकबाट मंगलबारे बजार जानेक्रममा प्र १–०१–०१४ प ५२५१ नम्बरको मोटरसाइकल आफै अनियिन्त्रत भई दुर्घटना हुँदा चालक हल्दिबारी –४ बस्ने अन्दाजी ३५ वर्षीय उज्वल खरेल गंभीर घाइते भएका हुन् ।
अनुहार र कुममा चोट लागेका खरेलको बीएण्डसी अस्पताल बिर्तामोडमा उपचार भइरहेको र मोटरसाइकल नियन्त्रणमा लिई प्रहरी चौकी जलथलमा राखिएको जिल्ला ट्राफिक प्रहरी कार्यालय झापाले जनाएको छ ।
