झापा , पुष ४ । दमकको बसपार्कस्थित मिलन होटेल एण्ड लजमा दुईजना युवतीसंग राति बसेका एक व्यक्ति आज बिहान मृत फेला परेका छन् ।
मिलन होटल एण्ड लजको भुइँतलाको कोठामा मृत फेला परेका व्यक्ति सिन्धुली जिल्ला ठेगाना भएका अन्दाजी बर्ष ३४ का ईन्द्रबहादुर सुनुवार भएको बताइएको छ । मृतकको साथबाट ईन्द्रबहादुर सुनुवार लेखिएको परिचय खुल्ने कागजात फेला परेको हो ।
संगै बस्ने नामथर, वतन नखुलेका दुईजना युवतीलाई नियन्त्रणमा लिई थप अनुसन्धानको लागि इलाका प्रहरी कार्यालय दमक लगिएको छ । त्यस्तै प्रहरीले होटल संचालिका निर्मला केसीलाई समेत नियन्त्रणमा लिएको छ। बसपार्कमा रहेको मिलन होटेल एन्ड लजमा यौन धन्दा हुँदै आएको बताइन्छ । यौन कार्य गर्न आएका व्यक्तिको मृत्यु भएको आशंका गरिएको छ ।
