झापा, पुष ५ । विराटनगरमा अलकत्रा बोकेको गाडीमा अचानक आगलागी भएको छ ।
आगलागीबाट अलकत्रा बोकेको गाडीसंगै एउटा मोटरसाइकल पूर्णरुपमा जलेर नष्ट भएको छ । आज साँझ ४.४० बजे विराटनगर महानगरपालिका ५ कोचाखालस्थित शान्तिचोकमा एसोकी निर्माण सेवा कम्पनीको को १ ख ३१२५ नम्बरको अलकत्रा बोकेको गाडीमा अचानक आगलागी भएको हो ।
उक्त आगलागीबाट प्र १ ०४४–२६२६ नम्बरको सुपर स्प्लेन्डर मोटरसाइकलसमेत पूर्ण रूपमा जलेर नष्ट भएको प्रहरीले जनाएको छ । उक्त आगोलाई विराटनगर महानगरपालिकाको दमकल, नेपाल प्रहरी, नगर प्रहरी, स्थानीयको सहयोगमा साँझ ५.३० बजे नियन्त्रणमा लिइएको थियो ।
