झापा, पुष ७ । झापामा लागूऔषधसहित हिजो एकैदिन पाँचजना पक्राउ परेका छन् ।
तीनजना ब्राउनसुगर ,एकजना गाँजा र एकजना प्रतिबन्धित औषधसहित पक्राउ परेका हुन् । हिजो दिउँसो ४ः३० बजे दमक नगरपालिका वडा नं.–६ पशुहाटनजिकै वडा नं ७ हाटखोला घर बताउने २० वर्षीय नविन ठटाल भन्ने पदमबहादुर दर्जीलाई प्रतिबन्धित औषधीहरु ट्रामाडोल– ८३ क्याप्सुल र स्पासपेन–२८ ट्याब्लेटसहित पक्राउ गरिएको हो ।
त्यस्तै सोही समयमा इलाम माङ्सेबुङ गाउँपालिका वडा नं. ४ माचेबुङ स्थायी ठेगाना भई हाल दमक नगरपालिका वडा नं. २ बस्ने अन्दाजी २४ वर्षीय रोदन लिम्बू १ ग्राम १०० मिलिग्राम ब्राउनसुगरसहित पक्राउ परेका छन् ।
त्यस्तै राति ८ बजे मेचीनगर नगरपालिका वडा न.६ कालिखोला सरस्वती टोल बस्ने ४१ वर्षीय रुपेश पाख्रिनलाई आफ्नै घरमा ब्राउनसुगर बिक्री गरिरहेको अबस्थामा २ ग्राम ब्राउनसुगरसहित प्रहरीले पक्राउ गरेको छ । लागूऔषध खरिद गर्न आएका उनका साथी सोही ठाउँ बस्ने ३२ वर्षीय डिकबहादुर मगरलाई समेत प्रहरीले नियन्त्रणमा लिएको छ ।
त्यस्तै राति ११.३० बजे ४ केजी गाँजासहित बुद्धशान्ति गाउँपालिका वडा नं.३ धिमाल टोल बस्ने २९ वर्षीया दुर्गा धिमाल पक्राउ परेकी छन् ।
