झापा, पुष ८ । पञ्चायत माध्यमिक विद्यालय हल्दिवारी झापाका शिक्षक अभिषेक खतिवडाले आफ्नो जन्मदिनमा शैक्षिक तथा खेलकुद सामग्री बितरण गरेका छन् ।
उनले आफू कार्यरत विद्यालयका बाल कक्षादेखि कक्षा ५ सम्मका विद्यार्थीलाई शैक्षिक सामग्री बितरण गरेका हुन् । विद्यालयमा शैक्षिक सामग्री नलिई आउने विद्यार्थीका लागि उनले विद्यालयलाई शैक्षिक सामग्री हस्तान्तरण गरेका थिए ।
त्यस्तै विद्यालयका विद्यार्थीहरुको शारीरिक विकासको लागि खेलकुद सामग्री वितरण गरिएको उनले बताए ।
शैक्षिक सामग्री प्रदान गर्ने कार्यक्रममा विद्यालयका प्रधानाध्यापक कृष्णप्रसाद बनले विद्यालय र विद्यार्थीका लागि सोचेर सामाजिक कार्य गरेकोमा खतिवडालाई धन्यवादसहित जन्मदिनको शुभकामना दिएका थिए ।
