झापा, पुष ९ । उदयपुरको त्रियुगा नगरपालिकामा छुरा प्रहारबाट एक युवक घाइते भएका छन् ।
गएराति ११ बजे त्रियुगा नगरपालिका ११ संगमटोल बोक्से बस्ने २२ वर्षीय राहुल राईले शिवालय टोल बस्ने २४ वर्षीय उज्वल राईलाई छुरा प्रहार गरेका हुन् । राहुलले पुरानो विवादका कारण उज्वलमाथि छुरा प्रहार गर्दा उनको बायाँपट्टि पेटमा चोट लागेको छ ।
घाइतेलाई जिल्ला अस्पताल बोक्से उदयपुरमा ल्याई सामान्य उपचारपश्चात् थप उपचारको लागि न्युरो अस्पताल विराटनगर रेफर गरिएको छ । छुरा प्रहार गर्ने राहुल तत्काल फरार रहेकाले खोजतलास भइरहेको प्रहरीले जनाएको छ ।
