झापा, पुष १३ । उदयपुरमा भएको ट्रक दुर्घटनामा सहचालकको मृत्यु भएको छ ।
उदयपुरको उदयपुर गढी गाउँपालिका ७ अधेरीमा आज दिउँसो १२ः४० बजे काठमाण्डौबाट इनरुवातर्फ जाँदै गरेको बा प्र ०१–००६ ख ५७४९ नम्बरको लोड ट्रक अनियन्त्रित भई पल्टिएको हो । दुर्घटनामा चालक सुनसरी इटहरी– २ पशुपति चोक बस्ने २३ वर्षीय बिज्ञान तामाङ घाइते भएका छन् भने सहचालक सोही स्थान बस्ने २४ वर्षीय सुदिप राईको मृत्यु भएको हो ।
त्यस्तै अर्का सहचालक सोलुखुम्बु जोगरा बस्ने १६ वर्षीय सबिन बि.क. पनि घाइते भएका छन् । उनलाई जिल्ला अस्पतालबाट थप उपचारको लागि बिराटनगर रेफर गरिएको छ ।
