झापा , माघ २९। प्रतिबन्धित औषधीसहित झापा भद्रपुरका एक युवक पक्राउ परेका छन् ।
गएराति ११.३० बजे हल्दिबारी– २ हल्दिबारी चोकमा बिर्तामोडबाट हल्दिबारीतर्फ आउँदैं गरेको मे १ प २३९१ नं. को मोटरसाइकलमा सवार भद्रपुर नगरपालिका वडा नं. ३ ज्ञाने चोक बस्ने अन्दाजी ३३ वर्षीय बिनोद लिम्बूलाई शंका लागेर प्रहरीले चेकजाँच गर्दा उनको साथबाट प्रतिबन्धित औषधीहरु फेला परेको थियो ।
डाइजेपाम– थान ३, फेनारगन – थान ३, नाम नखुलेको औषधी थान ३ गरी जम्मा ९ सिरिन्ज , मोबाईल – थान २ र साथमा नगद रु.९ हजार लिम्बूसंग फेला परेको हो । उक्त प्रतिबन्धित औषधी र मोटरसाइकलसहित लिम्बूलाई पक्राउ गरी थप अनुसन्धान कार्य जारी रहेको जिल्ला प्रहरी कार्यालयका निमित्त सूचना अधिकारी प्रहरी निरीक्षक विजय चौहानले जानकारी दिएका छन् ।
