झापा, बैशाख २९ । झापाको भद्रपुरमा विद्युत सर्ट भई आगलागी हुँदा एक घर जलेर नष्ट भएको छ ।
आज बिहानको राति २ बजे भद्रपुर नगरपालिका वडा न.९ जमदार चोक बस्ने गीता कार्की पौडेलको घरमा आगलागी भएको हो । पौडेलको टिनको छाना र बाँसको टाँटीबेरा भएको भान्साघरमा विद्युत सर्ट भई आगलागी हुँदा भान्साभित्र रहेको अन्नपात, भाँडावर्तन, काठपात पूर्णरुपमा जलेर नष्ट भएको छ । आगलागीबाट अन्दाजी १ लाख ५० हजार बरावरको क्षति भएको छ । प्रहरी चौकी घोडामाराबाट गएको प्रहरी टोली र स्थानीयको संयुक्त प्रयासमा आगो नियन्त्रणमा आएको थियो ।
