झापा, जेठ १ । झापाको हल्दिवारीमा हावाहुण्डरीबाट घर भत्किँदा एकजनाको मृत्यु भएको छ ।
गएराति अन्दाजी ११ः५० बजे आएको हावाहुण्डरीले हल्दिबारी गाउँपालिका वडा न.५ त्रिबेणी चोक बस्ने ६५ वर्षीय मानबहादुर मगरको आफ्नै घर भत्किएर मृत्यु भएको हो । टिनको छाना भएको टाँडेघरमा सुतिरहेकोमा हावाहुण्डरीले घर भत्काई घरको बिमले थिचिरहेको अवस्थामा स्थानीयले देखेर बाहिर निकाली हेर्दा उनको मृत्यु भइसकेको थियो ।
राति १२.३० बजे अस्थाई प्रहरी चौकी कन्चनश्रीमा जानकारी प्राप्त हुनसाथ प्रहरी टोली खटिएर घटनास्थल सुरक्षित राखेको र थप अनुसन्धान तथा कानुनी प्रकृयाको लागि जिल्ला प्रहरी कार्यालय झापाबाट आज विहान टोली जान लागेको डीएसपी खगेन्द्र खड्काले जानकारी दिए ।
