झापा, जेठ ९ । इलाममा रुखबाट लडेर एकजना बालक घाइते भएका छन् ।
हिजो दिउँसो ४ बजे इलाम देउमाई नगरपालिका ७ सिद्धिथुम्का बस्ने आईतराज राईका छोरा १२ वर्षीय सुन्दर राई घरनजिकैको उतिसको रुखबाट लडेर घाइते भएका हुन् । उनी चराको गुँडमा चराको बच्चा हेर्न रुखमा चढेका थिए । शरीरको बिभिन्न भागमा चोट लागेर घाइते भएका बालकलाई राति बिर्तासिटी अस्पताल बिर्तामोड ल्याइएको छ ।
उनको अबस्था मध्यम रहेको छ । प्रहरी चौकी जितपुरबाट प्रहरी टोली खटिएर थप बुझ्ने कार्य भइरहेको जिल्ला प्रहरी कार्यालयले जनाएको छ ।
