झापा, असार १० । सशस्त्र प्रहरी बल, नेपाल नं. २ गण हेडक्वाटर झापाको आयोजनामा गौरीगञ्जका २० जना युवालाई सीपमूलक तालिम प्रदान गरिएको छ ।
“सीमावासीसँग सशस्त्र प्रहरी” कार्यक्रमअन्तर्गत सीमावर्ती इलाकामा बसाबास गर्ने स्थानीय २० जना युवालाई गत चैत २९ गतेदेखि ६५ दिने इलेक्ट्रिसियन तालिम दिइएको हो । गौरीगञ्ज गाउँपालिकाको सहजीकरण तथा दमक बहु–प्राविधिक तालिम शिक्षालय दमकको सहकार्यमा संचालित तालिमको हिजो गौरीगञ्ज ३ स्थित उद्योग वाणिज्य संघ गौरीगञ्जको सभाहलमा समापन गरिएको छ ।
गाउँपालिका अध्यक्ष फुलवती राजवंशीको प्रमुख आतिथ्यमा सशस्त्र प्रहरी बल, नेपाल नं. २ गण हे.क्वा. झापाका गणपति सशस्त्र प्रहरी उपरीक्षक तुलबहादुर भण्डारी, प्रस्तावित सीमा सुरक्षा गुल्म गौरीगञ्जका गुल्मपति सशस्त्र प्रहरी नायव उपरीक्षक सुमन थापा , विभिन्न विओपीका प्रमुखहरु, गौरीगञ्जका सुरक्षा निकायका प्रमुखहरु , गौरीगञ्ज उद्योग बाणिज्य संघका अध्यक्ष रुपक श्रेष्ठ , गौरीगञ्ज क्याम्पसका अध्यक्ष मखना महतो , रेडक्रस उपशाखा गौरीगञ्जका अध्यक्ष यादव रिजाल, लायन्स क्लबका अध्यक्ष, दमक बहु–प्राविधिक तालिम शिक्षालयका प्रमुखलगायतको उपस्थिति रहेको सशस्त्र प्रहरी बल नेपाल नं. २ गण हेक्वा झापाका सूचना अधिकारी सशस्त्र प्रहरी नायव उपरीक्षक सुमन पोखरेलले जानकारी दिएका छन् ।
