झापा,असार २२ । आइतबार चिकित्सकहरुले आ–आफ्नो कार्यस्थलमा एक घण्टा धर्ना दिएका छन् ।
नेपाल चिकित्सक संघले उपभोक्ता अदालतको निर्णयको विषयमा असन्तुष्टि जनाउँदै चरणबद्ध आन्दोलनको घोषण गरेको छ ।
संघले आइतबार आफ्नो–आफ्नो कार्यस्थलमा एक घण्टा धर्ना दिने निर्णय गरेको थियो । सोही अनुरुप आइतबार चिकित्सकले आ–आफ्नो कार्यस्थलमा एक घण्टा धर्ना दिएका हुन् ।
यसैगरी, सम्पूर्ण शाखा कार्यालयलाई चिकित्सकको हस्ताक्षर र नेपाली मेडिकल काउन्सिलको प्रमाणपत्र सङ्कलन गरी सोमबारभित्र केन्द्रीय कार्यक्रमा बुझाउन संघले आग्रह गरेको छ । संघले मङ्गलबार सम्पूर्ण चिकित्सकको प्रमाणपत्र काउन्सिलमा बुझाउने कार्यक्रम तय गरेको छ ।
संघले घोषण गरेको आन्दोलनको एशोसिएसन अफ प्राइभेट मेडिकल एण्ड डेन्टल कलेज, अफिन, एपोन, केमसन, नेपाल नर्सिङ एशोसिएसन, नेपाल फिजियोथेरापी एशोसिएसन, नेपाल भेटेरिनरी एशोसिएसन, एनाभीएमआईए, एनपीएचओले ऐक्यबद्धता जनाएका छन् ।
