झापा, असार २६ । जंगली हात्तीले झापाको कचनकवलमा दुईवटा घर भत्काएर क्षति गरेको छ ।
हिजो मध्यराति चारकोशे जङ्गलबाट निस्किएका दुईवटा जंगली हात्तीले कचनकवल गाउँपालिका –६ डम्बरगाछ निवासी बाबुराम हेमरम र बड्का सोरेनको घर भत्काएको हो ।
टिनको छानो र टाँटी बेरा भएको दुईवटै घरलाई क्षति पुर्याई घरभित्र भएको अन्नपात खानुका साथै सरसामान छरपस्ट पार्दा करिब १ लाख ३० हजार बराबरको क्षति भएको जनाइएको छ ।
