झापा, असार २७ । धुलाबारी बजार क्षेत्रका बिभिन्न स्थानहरुमा सी.सी.क्यामेरा जडान गरिने भएको छ ।
हालको परिस्थितिलाई मध्यनजर गरी शान्ति सुरक्षा कायम गराउनका लागि सी.सी.क्यामेरा जडान गरिने भएको हो । इलाका प्रहरी कार्यालय धुलाबारीको सभाहलमा सी.सी.क्यामेरा जडान गर्ने विषयमा आज छलफल भएको थियो ।
स्थानीय जनप्रतिनिधि, बैक तथा वित्तीय संघ संस्था , उद्योगी ब्यवसायी र सरोकारवालाहरुको उपस्थितिमा आवश्यक छलफल गरी सी.सी.क्यामेरा जडानका लागि मेची उद्योग बाणिज्य संघका अध्यक्ष खेम प्रसाईको अध्यक्षतामा उपाध्यक्ष रविनकुमार बस्नेत र मिलनराज प्रसाई, सचिव प्रकाश खडका रहेको मूल समिति गठन गरिएको छ ।
जसको संरक्षकमा वडा न.१० का वडाध्यक्ष नारायण खनाल र इलाका प्रहरी कार्यालय धुलाबारीका प्रमुख प्रहरी निरीक्षक पाण्डवकुमार राजवंशी रहेका छन् । धुलावारी बजारको आबश्यक सबै ठाउँहरुमा सी.सी.क्यामेरा जडान गरिने प्रहरी निरीक्षक राजवंशीले जानकारी दिएका छन् ।
