बिर्तामोड, असार २७ । बिर्तामोडस्थित गोमेन्द्र वहुमुखी महाविद्यालयमा आज रक्तदान कार्यक्रम सम्पन्न भएको छ ।
विज्ञान तथा प्रविधि संकायअन्तर्गत बीसीए कार्यक्रमका दोस्रो सेमिस्टारका विद्यार्थीहरुले आयोजना गरेको कार्यक्रममा कलेज प्रमुख डा. रुपकप्रसाद खनालको प्रमुख आतिथ्यता रहेको थियो भने विशिष्ट अतिथिमा बीबीए कार्यक्रमका कोअर्डिनेटर शेखर पाण्डे, बीसीए÷एमबीए कोअर्डिनेटर विमल राजवंशी, रिसर्च डिपार्टमेन्ट हेड निलम संग्रौला , कलेजका अध्यापक ,कर्मचारी तथा विद्यार्थीहरुको वाक्लो उपस्थिति रहेको थियो।
कार्यक्रममा अध्यापक तथा विद्यार्थी गरी ५३ जनाले रक्तदान गरेका छन् । कलेजको प्रांगणमा संचालन भएको कार्यक्रममा ६ जना अध्यापक , एकजना कर्मचारी र ४६ जना विद्यार्थीले रक्तदान गरेका हुन् । बीसीए दोस्रो सेमिस्टारका विद्यार्थी यूनिक श्रेष्ठ, दिपक खनाल, इच्छा केरुङ, आविष्कार दुलाल तथा साथीहरूले कार्यक्रम सहजीकरण गरेका थिए।
