झापा, साउन ७ । खोले पकाएर छोडेको आगो सल्किँदा झापाको दमकमा दुईवटा चौपायासहित गोठ जलेर नष्ट भएको छ ।
हिजो दिउँसो २ः३० बजे दमक ३ बस्ने ४५ वर्षीय ख्यामराज सार्कीको काठ र टिनले बनेको ,टिनको छानो भएको गोठमा आगलागी भएको हो । गाईलाई खोले पकाइ छोडेको आगो नजिकै रहेको मकैको खोयामा सल्किन गई गोठमा आगलागी हुँदा गोठमा बाँधिराखेको एउटा दुना गाई र एउटा बाछो जलेर मरेको हो ।
गोठमा राखेको सालको काठ अन्दाजी १०–१२ किबि र गोठ पूर्णमा जलेर नष्ट हुँदा अन्दाजी ५ लाख बराबरको क्षति भएको छ । उक्त आगलागी दमक नगरपालिकाको दमकल, प्रहरी चौकी बाघखोरबाट खटिएको प्रहरी टोली र स्थानीयको सहयोगमा पूर्णरुपमा नियन्त्रणमा आएको प्रहरीले जनाएको छ ।
