झापा, साउन ८ । लागूऔषधसहित इलामका एक युवक काँकरभिट्टामा पक्राउ परेका छन् ।
हिजो साँझ ५.३० बजे मेचीनगर वडा न.६ पुरानो मेची पुलमा भारतको पानीट्याङ्कीबाट नेपालतर्फ सिटी सफारीमा आउँदै गरेका इलाम नगरपालिका वडा न.११ बस्ने १८ वर्षीय ईछिङ एक्तेन लागूऔषधसहित पक्राउ परेका हुन् ।
शंका लागेर शरीर तलासी लिने क्रममा उनको मलद्वारबाट ७ ग्राम १३० मिलिग्राम ब्राउनसुगर बरामद भएको थियो । लागूऔषधसहित उनलाई नियन्त्रणमा लिई इलाका प्रहरी कार्यालय काँकरभिट्टामा राखिएको छ ।
