बिर्तामोड , साउन ९ । बिर्तामोड ७ मा अवस्थित कञ्चन अंग्रेजी माध्यमिक विद्यालयमा भएको अभिभावक भेलाले रुकमिना दाहालको अध्यक्षतामा शिक्षक अभिभावक संघ गठन गरेको छ ।
जसमा सदस्यहरुमा गंगाबहादुर खडका, सीता टंक आचार्य ,मनिता लिम्बू ,कमला अधिकारी ,झुमा विक चयन भएका छन् । त्यस्तै सल्लाहकार समिति संयोजकमा श्याम पकुवाल तथा सदस्यहरुमा सीता भट्टराई ,गुणराज बराल ,जनक पकुवाल र उमा कार्की चयन भएका छन् ।
विद्यालय व्यवस्थापन समिति अध्यक्ष इन्दिरा अधिकारीको अध्यक्षतामा भएको भेलामा शिक्षक अभिभावक संघका निवर्तमान अध्यक्ष श्याम पकुवालले शुभकामना मन्तव्य राख्दै स्कुलले ग्रामीण ठाउँबाट गुणस्तरीय शिक्षा दिँदै हरेक तहको परीक्षामा उत्कृष्ट नतिजा निकाल्दै आएकाले थप प्रगतिको शुभकामना व्यक्त गरेका थिए । कार्यक्रममा प्रधानाध्यापक दिपक चम्लागाईले विद्यालयको शैक्षिक गतिविधिका बारेमा प्रकाश पारेको फाउण्डर डिल्लीराम चम्लागाईले जानकारी दिएका छन् ।
