झापा, साउन ९ । झापाको बिर्तामोड –९ धौला पुलस्थित बिर्तामोड– भद्रपुर सडकखण्डमा सिटी सफारी पल्टिएर चालक गंभीर घाइते भएका छन् ।
गएराति ९ः३० बजे बिर्तामोडबाट भद्रपुरतर्फ जाँदै गरेको प्र १–०१–००२ ह ३०१४ न.को सिटी सफारी आफै अनियन्त्रित भई पल्टिदा सिटी सफारी चालक बिर्तामोड वडा न.६ स्यालडाँगी बस्ने ३४ वर्षीय मोहमद जाबुल घाइते भएका हुन् ।
टाउकोमा गहिरो चोट लागेका जाबुललाई अस्थायी प्रहरी चौकी गरामनीबाट प्रहरी सहायक निरीक्षक भुपेन्द्र कार्कीको कमाण्डमा टोली खटिएर उपचारको लागि बीएण्डसी अस्पताल पठाएको छ । सिटी सफारी अस्थायी प्रहरी चौकी गरामनीको नियन्त्रणमा रहेको छ ।
