झापा, साउन १० । ठूलो मात्रामा लागूऔषध ब्राउनसुगरसहित तीनजना भारतीय पक्राउ परेका छन् ।
हिजो साँझ ५ः३० बजे कचनकवल ४ लोधावारीमा लागूऔषधको कारोबार भइरहेको भन्ने गोप्य सूचनाको आधारमा जिल्ला प्रहरी कार्यालय झापा र लागूऔषध नियन्त्रण ब्युरो काकँडभिट्टाबाट खटिएको संयुक्त प्रहरी टोलीले भारतबाट नेपालतर्फ शंकास्पद अवस्थामा पैदल आउँदै गरेका भारत राज्य विहार जिल्ला किशनगंज बस्ने २५ वर्षीय मोहमद सोहेल, उनकी श्रीमती २९ वर्षीया तबसुम आरा र सोही ठाउँ बस्ने २४ वर्षीय कचालु अन्सारीलाई लागूऔषधसहित पक्राउ गरेको हो ।
उनीहरुको साथबाट प्लाष्टिकवाहेक ५८ ग्राम ४०० मिलिग्राम ब्राउनसुगर बरामद भएको छ । थप अनुसन्धानको लागि उनीहरुलाई पक्राउ गरी जिप्रका झापामा राखिएको छ ।
