झापा, साउन १४ । बंगलादेशको रंगपुर जिल्लामा पैगम्बर मोहम्मदविरुद्ध आपत्तिजनक पोस्ट गरेको आरोपमा हिन्दु परिवारमाथि आक्रमण भएको छ ।
घटनापछि केही हिन्दु धर्मावलम्बीहरु आफ्नो घर छोडेर विस्थापित भएका छन् । स्थानीय प्रशासनले पीडितहरुलाई सुरक्षा उपलव्ध गराएको बताएको छ । हिन्दु समुदायका २२ मध्ये १९ परिवार आफ्नै घरमा रहेको प्रशासनले जनाएको छ । प्रशासनले हमलाकारीहरुले क्षतिग्रस्त पारेको घरहरुको मर्मत गरिदिने आश्वासन दिएको छ ।
सो घटना गंगाचडा उपजिल्लाको अलदादपुर बालापाडा गाउँमा शनिवार राति र आइतवार विहान भएको हो । अपमानजनक पोस्ट गर्ने एक युवकलाई प्रहरीले पक्राउ गरेको छ ।
