झापा,साउन १४ । युवतीलाई जबरजस्ती करणी गरेको आरोपमा इलाममा एकजना पक्राउ परेका छन् ।
पक्राउ पर्नेमा मोरङ मिक्लाजुङ वडा नं. ८ तोरीबारी बस्ने २७ वर्षीय भेषराज दुलाल रहेका छन् । दुलालले साउन ११ गते राति १०.५० बजे १९ वर्षीया युवतीलाई आफ्नै घरको कोठामा जबरजस्ती करणी गरेका थिए ।
साउन १२ गते जिल्ला प्रहरी कार्यालय इलाममा पीडित आफैले जाहेरी दिएकी थिइन् । प्रहरी चौकी पेल्टिमारीबाट प्रहरी टोली खटिएर दुलाललाई नियन्त्रणमा लिई जिल्ला प्रहरी कार्यालय इलाममा राखिएको छ । हिजो इलाम जिल्ला अदालतबाट ७ दिनको म्याद थप गरी अनुसन्धान भइरहेको प्रहरीले जनाएको छ ।
