झापा साउन १६  झापा र इलाममा दुईजना मृत फेला परेका छन् ।

हिजो दिउँसो अन्दाजी १ः१५ बजे झापा अर्जुनधारा नगरपालिका ६ चिउरा मिलनजिक चौरमा बस्ने ५९ वर्षीया देबीमाया तामाङ बेहोस अवस्थामा फेला परेकी थिइन् । प्रहरी चौकी शनिश्चरेमा जानकारी प्राप्त हुनसाथ प्रहरी टोली खटिएर उपचारको लागि नगर अस्पताल शनिश्चरेमा लगि चेकजाँच गर्दा उनलाई डाक्टरले मृत घोषणा गरेका थिए । मृतकको शव सोही अस्पतालमा रहेको र थप अनुसन्धान तथा कानुनी प्रकृयाको लागि इलाका प्रहरी कार्यालय बिर्तामोडबाट टोली गएको जनाइएको छ ।

उता इलाममा एकजना वृद्ध शौचालयभित्र मृत फेला परेका छन् । हिजो राति ११ः३० बजे इलाम सन्दकपुर २ मालिङ्गे घर भई दाजु सूर्यलाल राईको घरमा ९ महिनादेखि बस्दै आएका ७० वर्षीय चन्द्रबहादुर राई शौचालयभित्र मृत अवस्थामा फेला परेका हुन् । घटनाबारे थप अनुसन्धान तथा कानुनी प्रकृया भइरहेको जिल्ला प्रहरी कार्यालय इलामले जनाएको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्