झापा , साउन १८ । विगत २४ वर्षदेखि वैदेशिक रोजगारीको कार्य गर्दै आएको कालिञ्चोक मेनपावरले पहिलो शाखा बिर्तामोडमा संचालन गरेको छ ।
सुरक्षित , भरपर्दो र ग्यारेन्टीसहित युवालाई वैदेशिक रोजगारीका लागि खाडी देश र युरोप पठाउने उद्देश्यसहित कालिञ्चोक मेनपावरले बिर्तामोडको राजगढ बसपार्कमा शाखा कार्यालय सञ्चालनमा ल्याएको संचालक हेम मोक्तानले बताए । आज एक कार्यक्रमका बीच मेनपावरका सहायक निर्देशक स्वेच्छिक कार्कीले बिर्तामोड शाखाको उद्घाटन गरे।
कार्यक्रममा वैदेशिक रोजगार व्यवसायी संघ झापाका प्रथम उपाध्यक्ष राजन सिलवाल, महासचिव नीरकुमार खत्री, सचिव राजेन्द्र पौडेललगायतको उपस्थिति थियो। संघका झापा कोषाध्यक्ष तथा युवा व्यवसायी कृष्ण खतिवडा, सविन कटुवाल, राजु पोखरेल, र हेम मोक्तानको पहलमा शाखा सञ्चालनमा ल्याइएको हो। कालिञ्चोक मेनपावरले हालसम्म करिव २० हजार जनालाई वैदेशिक रोजगारीमा पठाइसकेको जनाइएको छ ।
