झापा, साउन २० । मोरङको उर्लावारीमा एक व्यक्ति धान खेतमा मृत फेला परेका छन् ।
आज बिहान ८ः४५ बजे उर्लावारी– ८ सिसौली बस्ने २३ वर्षीय सुशिल लिम्बू धान खेतमा मृत फेला परेका हुन् । आफ्नै घरदेखि अन्दाजी ६ मिटर उतरमा रहेको राकेश लिम्बूको धान खेतमा लडेर घोप्टो परेको अवस्थामा मृत फेला परेको इलाका प्रहरी कार्यालय उर्लावारीका प्रहरी निरीक्षक रन्जन बरालले बताए ।
मादक पदार्थ सेवन गरी हिड्ने लिम्बू छारे रोगका कारण कहिलेकाही आफै बेहोस भई ढल्ने गरेको बुझिएको छ । उनको शवको सम्पूर्ण कानुनी प्रकृया पुरा गरी पोस्टमार्टमको लागि मदन भण्डारी अस्पताल तथा ट्रमा सेन्टर मंगलबारे पठाइएको प्रहरी निरीक्षक बरालले जानकारी दिएका छन् ।
