झापा, साउन २० । झापा अर्जुनधाराका तीन युवा ब्राउन सुगरसहित पक्राउ परेका छन् ।
आज दिउँसो १२ः३० बजे अर्जुनधारा ७ मिलडाँडामा लागूऔषध बिक्री वितरण भइरहेको भन्ने गोप्य सूचनाको आधारमा प्रहरी चौकी शनिश्चरेबाट टोली खटिएको थियो । सो टोलीले अर्जुनधारा वडा नं. ३ बस्ने १८ वर्षीय जीवन चौलागाई ,वडा नं. ४ बस्ने २४ वर्षीय देवेन्द्र भन्ने अशोक चौधरी र वडा नं.७ बस्ने ३२ वर्षीय बिजय मगरलाई पक्राउ गरेको हो ।
उनीहरुको साथबाट ४०० मिलिग्राम ब्राउन सुगर , नगद १५ हजार ९२० र दुईवटा मोबाइल बरामद भएको छ । तीनैजनालाई नियन्त्रणमा लिई इलाका प्रहरी कार्यालय बिर्तामोडमा राखिएको छ ।
